رواية مليئة بالأحداث مكتوبة بشكل متميز من الرائع جابرييل جارسيا ماركيز ... بتحكي فترة في نهاية القرن ال19 ... ملخصها في كلمات بسيطة ... هل يقدر الإنسان يفضل يحب انسان أخر بعيد عنه طوال حياته؟
بيجاوب الكاتب عن السؤال ده عن طريق بطل الرواية فلورينتينو أريثا وحبيبته فيرمينا داثا
فلورينتينو أريثا شخصية حصل فيها تقلبات كتيرة في مشوار الحياة أهمها حبه المتواصل لفيرمينا داثا وتانيها حياته اللي لم تخلوا من غراميات النساء فيها (رغم عدم زواجه طول الرواية) والبعد التالت نشاطه وجديته في العمل.
استغربت جدا تناقضات شخصية بطل الرواية المحب طول حياته لحبه الأول فيرمينا ورغم كده ازاي يبقي علي علاقة بسيدات كتير ... ازاي كمان كان سبب مباشر في موت أكتر من امرأة.
الرواية كمان بتتكلم عن تطور التكنولوجيا وايد الإنسان المخربة عبر الزمن للطبيعة.
الرواية فيها شخصيات كتيرة كل شخصية ليها أبعادها وتصرفاتها.
طبعاً أنصحكم تقروها وتقروا أكيد أهم أعمال جابرييل جارسيا ماركيز "مئة عام من العزلة"
تحياتي
بيتر الياس
