كل الأسماء .... جوزيه ساراماجو
رواية غريبة التركيب أقدر ألخصها في كلمة واحدة ... الوحدة... وتأثيرها علي حياة الإنسان في سن ما بعد الخمسين ... الرواية تم ذكر اسم واحد فيها وهو دون جوزيه البطل وكل الشخصيات الأخري داخل الرواية تم استخدام أوصافها ومراكزها بدل من أسماءها.
دون جوزيه بيتشغل كاتب في سجل المحفوظات (السجل المدني) وعنده هواية جمع معلومات عن المشاهير ... مستغل موقعه كموظف في سجل المحفوظات في نسخ كروت البيانات الخاصة بيهم ... وفي أثناء كده التصق في مرة من المرات كارت لإمرأة مجهولة ( زي ما المؤلف ذكرها بدون اسم) فبدأ يدور علي أصلها وفصلها لمجرد تقضية الوقت ... في أثناء ده بيرتكب مجموعة من المخالفات زي مثلا تزوير تصريح بالبحث عن بيانات يوريه للناس اللي هيجيب منهم معلومات عن المرأة المجهولة ... اقتحام مدرسة المرأة المجهولة (أثناء طفولتها) وكسر زجاجها في الليل ومحاولة الإطلاع علي بيانات الطفلة (المرأة المجهولة) ... كمان بيقابل شخصيات زي مثلا الجارة القديمةالمسنة للمرأة المجهولة ... راعي الأغنام ... والد ووالدة المرأة المجهولة.
الرواية مكتوبة بطريقة الجمل المتصلة ومحتاجة تركيز شديد أثناء قرايتها بسبب وجود الحوار داخل تلك الجمل بدون فصل.
لو حابب تقرا لجوزيه ساراماجو أرشحلك تبدأ بمسيرة الفيل ... ثورة الأرض ... العمي ... الكهف ... وتخلي كل الأسماء في الأخر لصعوبتها وتعقيدها.
تحياتي بيتر الياس
ليست هناك تعليقات:
إرسال تعليق